Denye bout wout sou chimen Lakay
Alo fanmi m yo,
Lone ak Reverans pou nou !
Se Djaloki. Kouman sa ye bo kote nou ? Bo kote pa m, tout bagay anfom. Nou kontinye ap pote mesaj louvri je, edikasyon, Respe ak Diyite pou Zanset yo nan peyi Blan Meriken. Prentan louvri barye lakou li a, li kite nou antre. Epi mwen desann nan Sid, pi pre lakay, pi pre Soley. Li te le l te tan ! Mwen satisfe ak laviwonn mwen anpil nan peyi etranje, men m santi m bezwen rantre lakay pou m rekonekte ak Manman Te a. Le m preske rive; m byen kontan !
Mwen Miami kounye a, m ap vizite kek fanmi ak zanmi nan zon Florida. M pat janm resi konn Joj, petet m a resi konn ti fre li (Djeb Bouch, gouvene Florida)...
Le 30 Avril, yo envite m pale sou relasyon ant Krisyanis ak Spirityalite Afriken, nan konferans Fellowship of Friends of African Descent (FFAD - "Quakers" Nwa Ozetazini : http://www.fellowshipoffriendsofafricandescent.org). Sa ki enteresan anpil se kote sa ap fet:
Youn: Konferans lan ap fet nan St Helena Island, South Carolina. Se yon ti zile tou piti, kote desandan Afriken ki te vini nan epok esklavaj yo kenbe kilti ak langg Zanset yo ki te soti nan zon Sierra Leone, ann Afrik de lwes. Yo rele yo "Gullah People" (Pep Gola). Youn nan dirijan FFAD a se yon fanm Gullah ki konsakre tout lavi li sou rechech istwa ak kilti pep li a (Althea Natalga Sumpter). Li te fe yon phD sou sa. Sit web li, se www.altheasumpter.com. Respe maksimom pou Pep Gullah, Pep vanyan, Pep rezistan, fanmi nou !
De: Ayopo ki pi pre St Helena Island, se Savannah, Georgia, kote plizye santen gerye Ayisyen te al pote kole ak Ameriken nan batay pou libete an 1779. Anri Kristof te ladan yo, Desalin tou, si m pa twonpe m. Yo konsidere epizod sa a kom denye gwo batay kont lame wa Angle a ki pat dako ak endepandans Etazini. Kidonk se batay sa a ki te pote laviktwa definitif, malgre Etazini te gen tan endepandan deja. Sanble yo pral monte yon moniman nan memwa Ayisyen sa yo, m sipoze se sou sit kote batay la te pase. Mwen pral fe youn ou de jou Savannah. Mwen poko gen okenn kontak direk sou plas, ni m pa konn ki kote egzakteman batay la te fet. M ap fe rechech sou sa. Nenpot moun ki gen nenpot enfomasyon sou batay Savannah a, ni an 1779, ni nenpot kontak nan Savannah mwen ka jwenn kounye a, tanpri fe m konnen vit ! Mesi davans pou sa.
M ap antre lakay le 8 Me sidyevle.
Respe ~ Lape ~ Lanmou ~ Sajes ~ Libete
Mwen finalman gen yon ti tan poum te cheke website ou a. Monche ou ap fe yon bon travay! Website la tre bel. Ezkizem davans si mwen fe fot pandan map ekri ti not sa a. Mwen ap eseye we si mwen toujou songe Kreyol mwen. Antouka, kenbe la. Mwen swete ou bon chans lew arive nan South Carolina nan fen mwa saa. Map eseye cheke site la souvan. Nenpot le ou jwen mesaj saa epi ou ta anvi kontaktem, pa bezwen esite. Email mwen se: krev_86@hotmail.com. Ou gen dwa email mwen nenpot le lidew di ou! Pase yon bon jounen. Male, na tande!
~e.v. (Comment this)
Mi ! Solidarité awé tout neg, la yo yé !
Zephirin (Comment this)
not actually exist. The premise is that no site can be absolutely perfect and all sites can
be optimized for greater significance and value. Busby
SEO Challenge
(Comment this)