Everything Haitian
Mwen fèk ajoute yon sit nan kategori “Ayitian Connection”:
Everything Haitian
Everything Haitian
Thursday, January 5, 2006
Wednesday, November 16, 2005
Dife nan babilòn.
14 vil anba kouvrefe an Frans; tout peyi a nan etadijans. Jèn imigre Afriken 2zyèm jenerasyon sou santye lagè nan lari… Babylon is burnin’ ! Mwen pral a Pari dimanch… Ayabonmbe !
M ap fè yon konferans lòt semèn nan yon gwo sant kilitirèl nan mitan Madrid (Casa de América). Radyo Nasyonal Lespay ap vin fè yon entèvyou avè m. Ayabonmbe !
~Djalòki~
Friday, November 11, 2005
The Making Of… Diskou Devandèyè
Anpil moun mande m kote m te jwenn tèks “Vre diskou Kandida Devandèyè” a. Genyen moun ki menm voye felisitasyon ban mwen.
Fòk mwen di se yon tradiksyon adapte mwen te fè sou yon tèks ann Espayòl yon moun te voye ban mwen. Moun nan te resevwa l nan men yon lòt moun, egal li pa konn sous tèks la. Se sa k fè mwen te pran swen pa siyen tèks la pou m pa vòlè patènite li.
Teknik la pa two difisil. Si ou gade estrikti tèks la byen, w ap konprann li, e oumenm tou w ap kapab fè yon tèks sanblab. Prensip de baz la, se pou altène liy ki di an gwo:
ou mèt sèten
m ap fè sa ki bon
men pa panse
m ap fè sa ki mal
ou mèt sèten
m ap fè sa ki bon
men pa panse
m ap fè sa ki mal
Epi ou mete yon fraz spesyal pou debi ak fen an. Ou mèt eseye. Amize w byen !
Si ou vle wè tèks orijinal Espayòl la, klike sou “READ MORE”.
~Djalòki~
Somos el PSOE
En nuestro partido político
cumplimos con lo que prometemos.
Solo los imbéciles pueden creer que
no lucharemos contra la corrupción.
Porque si hay algo seguro para nosotros es que
la honestidad y la transparencia son fundamentales
para alcanzar nuestros ideales.
Demostraremos que es una gran estupidez creer que
las mafias seguirán formando parte del gobierno
como en otros tiempos.
Aseguramos sin resquicio de duda que
la justicia social será el fin principal de nuestro mandato.
Pese a eso, todavía hay gente estúpida que piensa que
se pueda seguir gobernando con las artimañas de la vieja política
Cuando asumamos el poder, haremos lo imposible para que
se acaben las situaciones privilegiadas y el trafico de influencias
No permitiremos de ningún modo que
nuestros niños mueran de hambre
Cumpliremos nuestros propósitos aunque
los recursos económicos se hayan agotado
ejerceremos el poder hasta que
Comprendan desde ahora que
Somos el PSOE, la “nueva política”.
Ahora léanlo al revés, empezando por la última frase
subiendo línea a línea…
Vre diskou kandida Devandèyè
(Lè ou fin li l, rekomanse depi anba epi monte)
Anndan gouvènman pa m nan
m ap toujou respekte pwomès mwen
se sèl kèk malandren malveyan ki ka kwè
mwen pap elimine koripsyon
paske gen yon bagay ki klè
se verite ak lalwa k ap gide m
pou mwen atenn objektif mwen
sa ta yon gwo erè pou nou panse
m ap kite vòlè fè kenken anndan gouvènman m
tankou sa te konn toujou fèt
mwen sèmante 77 fwa 7 fwa
se pou Pèp la m ap travay
malgre sa toujou genyen egare ki kwè
m ap gouvène an koken
kou m chita nan fotèy la
ni mounpa ni magouy kaba
mwen pap janm pèmèt pou
pitit nou yo mouri grangou
e map toujou atenn objektif mwen menm si
tout kès leta fin blanch nèt
m ap egzèse tout pouvwa m pou
tout moun fin konprann
kiyès mwen ye toutbon
(reli tèks la an montan)
Thursday, March 24, 2005
Sona nan lotel DoubleTree
Pandan m te nan gwo lotel DoubleTree, nan vil Omaha, Nebraska, mwen we yo gen yon sona pou kliyan yo. Se yon chanm yo chofe a blok pou fe ou sue, yon fason pou elimine toksin ki anndan san ou ak ko ou, epi yon fason pou detann ou, pou lache stres ki akimile anndan sistem ou. Se yon ansyen tradisyon Zanset Amerendyen nou yo te konn fe pou rezon spirityel, pou pirifikasyon, pwoteksyon ak tretman mistik. Yo te konn fe li nan No Ewop tou. Met sou sa, pou mwen se yon remed kont fredi k ap eseye kale m, men mwen pa vle kite l genyen. Monche, m deside m pral fe yon ti kout sona, pou m remete chale anndan mwel zo m ki t ap komanse fe fresko.
Le m paret sou pot sona a, m we gen moun anndan deja. Chanm nan yon ti jan piti. M pat vle al deranje moun yo. M deside ret tann yon ti moman pou m we si yo pa ta soti. M tou pwofite li pankat ki sou bo pot sona a, sou deyo. Le m di deyo a, se pa nan lari, se sou bo yon pisin fenmen, anndan lotel la. Pankat la ekri an wouj sou fon blan. Sa m li a yon ti jan fe ke m sote. Se avetisman pou tout danje sona a genyen ladan n. Yo di ou konsa:
Pa rete anndan sona a pou kont ou !
Pa kite timoun antre san paran yo pa akonpaye yo.
Pa rete anndan an pou plis pase 15 minit ! Genyen yon revey k ap sonnen apre 15 minit pou fe ou konnen.
Pa rete anndan an si ou komanse santi youn nan bagay sa yo :
- tet fe mal
- vetij
- anvi vomi
- vomisman
- nen k ap koule san
Le m li sa a, m komanse gen dout. Sanble se pa ti chale k ap toufe moun anndan an. M renmen chale se vre, men m pat vin nan peyi blan pou yo kwit mwen ! Se yon ti sona m bezwen pou fe m sonje plaj piblik Karyes pou yon ti moman. M pat vin ba yo kadav ko m pou yo fe chabon ave l… Le neg ki te anndan an soti ato, mwen komanse frikawout tout bon. Misye se yon gwo Meriken byen gra. Figi l te wouj kou yon tomat, telman l ap sue, ou gen enpresyon se anba yon gwo lapli li te ye anndan an, epi l ap soufle tankou si li te fek monte Mon Karate, aloske se chita l te chita pandan tout tan sa a…
Monche m kalkile, m kalkile, m kalkileeeeeeeeeee… Ale, pa ale ? Ale, pa ale ? M di tet mwen : “Si gwo Meriken an te siviv, m dwe kapab fe l tou !” Egal m deside m ap antre, men m tou pare pou m kouri soti kou m komanse santi san m ap bouyi anndan venn mwen. M retire rad sou mwen, sel yon bout pantalon m kenbe sou mwen. M ranmase kouraj mwen, m pran yon gwo respirasyon, epi m antre.
Premye bagay mwen santi, se fredi. M di tet mwen: “Atansyon ! Se ka yon pyej. Petet se chale a ki si telman fo, sevo m gen tan varye, li pran chale a pou fredi !” M gade ko m, m fwote men m, mwen manyen djwed mwen yo pou we si yo pa gen tan fonn. M we tout bagay anplas, epi m kontinye santi ti fredi toujou. M sonje nan kou fizik mwen te aprann van cho monte, van fret desann. M di tet mwen: “Siman se paske mwen ate, mwen pa nan kouran cho a. Se pou m monte sou dezyem ban ki pi anle a pou m ka pran chale a. Kidonk mwen monte sou ban anle a, m chita, m ap tann chale a. M chita, m chita, m chita, m chita… M poko janm pran ankenn chale. Le m voye je m gade, m we gen yon temomet anndan sona a. M gade tanperati a, li di 34 Degre Selsiyis (egal 93 Farenayit). Sa poko chale pou mwen ditou ! Lari Nouyok Siti konn pi cho pase sa, ale we pou Potoprens oswa Dakar !… Se nan sona m vini, se pa yon vyann mwen te retire nan frize vin mete deyo pou glas li ka fonn. Bouton temosta ki kontwole tanperati a sou deyo. M soti, m al gade li. M we li sou 8. M vire l sou 10, ki se maksimom li ka rive. Men fo m di ou, m komanse move. M santi non selman pankat la te twonpe m, men m preske regret mwen te mete nan tet mwen sona se yon gwo zafe.
M antre anndan anko, m al chita anle a, m ap suiv temomet la, epi kounye la a m ap tann vre chale a. Temomet la fe yon ti monte jis 40 Degre Selsiyis (104 Farenayit), epi l ret kanpe la ! M preske pa menm santi diferans la sou po m. Se le sa a revey la sonnen. M retounen mete l pou yon lot 15 minit anko. Aaa, bobin ! Revey la sonnen anko. M rebalanse l pou 15 minit anko. Monche, jis kounye la a, pandan m ap pale ave ou, m pa janm santi pyes chale menm menm menm menm menm. Kanta pou sue a, ou met bliye sa ! Se nan chanm mwen m oblije remonte al pran yon beny dlo cho, byen move.
Pa pale m de sona nan lotel DoubleTree anko!
